شەفەق نیوز/ نێچیرڤان بارزانی سەرۆک هەرێم کوردستان، ئمڕوو یەکشەممە، پیرۆزبایی لە ئەیزیدیەگان کرد وەبۆنه‌ی چلەی تاوسان (چلێ هاڤینێ).

لە پیروزباییەگە وت: گەرمترین پیروزبایی پێشکەش کەمە خوەشک وبرا ئەیزیدیەگان لە کوردستان و لەگشت شوونیگ لە جهان، و وەشیوەیگ تایبەت پیروزبایی کەم لە جەژن ئەو ئەیزیدیەیلە ک هیمان هانە ناو کامپەیل ئاوارەیی، وئومیدخوازم ئی جەژنە وە خەیر وخوەشی بایدە بان ئەیزیدیەگان وگشت کوردستان، وئاهەنگ لە گشت جەژنە و بۆنەگان ئایندەمان لە سای رەوشەیلیگ خاستر بکەیمن.

وتیش: لەی بۆنە هەمیش وەرێزی یادکردنەوەی خوەشک وبرا ئەیزیدیەگانمان کەێمن ک بوینە قوربانی تیرۆر، سڵاو و ئارامی ئەرا گیانیان، وهەمیش دڵنیای خیزانەیل و خاوەن گشت رفیایەگان کەیمن، تا  خوەشکیگ یا برایگ ئەیزیدی بیسەروشوونە، وەردەوامی لە رەنجەیلمان دەیمن ئەرا مینەکردنیان و ودینەوەیان وئاشکراکردن لە چارەنووسیان.

ئومید جەژن ئارامیگ خوازم ئەرا گشت ئەیزیدیەگان وەهیوای ئەوە ک گشت ئەیزیدیە ئاوارەگان بانەو ئەرا ماڵەیل خوەیان و هاتن جەژن ئایندە، دووارە پێرۆزبایی جەژنەگە لە گشتی کەیمن، و گشت ساڵیگ  وە خەیر و خوەشی.