شەفەق نیوز/ نێچیرڤان بارزانی سەرۆک هەرێم کوردستان، پرسەی کۆچکردن سەرکردەی کوردی رۆژ نوری شاوەیس کرد.

بارزانی لە بەیاننامەیگ وت: دکتۆر رۆژ جوور پێشمەرگەیگ و سەرکردەیگ فرە لە ئەفسانە و پاڵاوانیە گەوراگان ئەرا پێشمەرگە تۆمار کرد، و شایەتی لە ئازایی و سەرکردایەتیی دەیمن، و جوور سیاسییگ خاوەن هەناسەی دریژیگ و قسەکەر سەرکەفتگیگ بوی، و هەمیشە لە ری ئەنجامدان دەسکەفتن ئەرا گەل کوردستان ریەیلیگ ئەرا گردەوبوین نیشتمانی پەیا کردیاد.

وتیش؛ رەحمەتی پایەی تایبەتیگ لەلای گەل کوردستان و سەرکردایەتی پارتی و گشت لایەنە سیاسییەگان داشت، و دەوری لە پەرلەمان وحکومەت فرە گەورا بوی، وەتایبەت لە جیوەجیکردن پڕۆژەگان و دەرکردن یاسا خاسەگان ئەرا گەل کوردستان، و لە ئاست عراقیش خاوەن دەور گەورایگ بوی لە مقەیەتیکردن مافەیل گەل کوردستان، و لە گشت قۆناغ و پۆستەگانی نیشتمان پەروەری خوەی چەسپان.