شەفەق نیوز/ نێچیروان بارزانی سەرۆک هەرێم کوردستان، لە دوو سەردان دویایی ئەرا بەغدا، وەگەرد محمد شياع سودانی سەرۆک وەزیرەیل فیدراڵی، و ئەو لایەنەیل سیاسی باس دویاترین گەشەی رەوشەیل ئەمنی و سیاسی لە وڵاتەگە کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: گشت لایەنەیل دووپات لەبان هاوکاری و هەماهەنگی ناوبەین گشت لایەنەیل کردن ئەرا پاڵپشتیکردن حکومەت فیدراڵی نوو، و جیوەجیکردن سەرکەفتگ ئەرا بەرنامەی وەزارەتیی، و کارکردن وەیەکەو ئەرا چارەکردن گرفتەیل گیرهاتگ ناوبەین هەولێر و بەغدا، ک لە مادەی ١٤٠ لە دەستوور و شایستەیل دارایی دەسوەپی کەن، تا رەسێدە گونجیان رەوشەیل لە شنگال و گرفتەیل وەڵاتەگە وەشیوەی گشتی، لەڕی گفتوگۆ لە بنەمای دەستوور و مقەیەتیکردن ئارامی و سەروەری وڵاتەگە.
بارزانی و سودانی جەخت لە رینەیان وەهویچ هەڕەشەیگ یا ئۆپراسیۆنیگ سەربازی ئەرا ئامانجکردن دەوڵەتەیل هاوسا لەڕی سنوور عراق و هەرێم کوردستان، وەگەرد مسۆگەرکردن دابینکردن هاوکاری و دەسمیەتی مرۆیی ئەرا پەنابەرەیل، و رینەیان وە باڵەیل چەکدار لە هەرێم کوردستان، ئەراوە هەولێر و بەغدا ئەوەسا هاوکاری کەن و وەتەواوی هەماهەنگی کەن ئەرا مقەیەتیکردن ئاسایش سنوور، و هاوکاری و هەماهەنگی وەرد دەوڵەتەیل هاوسا کەن، و ریکارەیل لەی باوەتە جیوەجی کەن.
سەرۆک نێچیروان بارزانی دووارە کرد ک رینمای سەرکردایەتی هەرێم کوردستان هەر جویر جاران مینێد، کاریگەر ئەرا ئاسایش و ئارامی عراق و دەوڵەتەیل ناوچەگە، و نووڕێدە قایمکردن پەیوەندیەیلی وەگەردیان، لە بنەمای رێزگردن وەرانوەری و هاوسا خاسی و بەرژەوەنی هاوبەش، و ئەرا چارەکردن گرفتەیل ناوخوەیی و دەیشتەکی لە ناوچەگە، نووڕیمن ک گرنگە پەنا وە گفتوگۆ و لەیەکڕەسینەونە بیرێەد،.و پشت وە چارەسەری ئاشتەوایی بوەسیەێد، و سەرکردایەتی هەرێم کوردستان ئامادەس ئەرا وەجیهاوردن رۆلیگ ئەرێنی و بیناکەر لەی باوەتە.