قاسم عەونی، وەڕێوەبەر بەش کووچ و ئاوارە و نواگیریکردن قەیران لە ئیدارەی سەروەخوەی زاخۆ، ئەرا ئاژانس شەفەق نیوز راگەیان کە “ئمڕوو وەڕێوەبەرایەتییەگە نامیلکەی بویچگ چاپکریای وە سێ زوان کوردی، عەرەبی، ئینگلیزی ئەرا ئەو گەشتیارەیلە بەشەو کرد کە تیەنە زاخۆ”، وتیش: “نامیلکەیل رینمایی و بەڵەیدان ئەرا گەشتیارەیلە ئەرا دڵنیابوین لە بیوەیییان، هووشداری لە مەلەکردن لە شوینە قەیەغەیل وەدرویژایی چەمەیل خابور و هازل دەێد”.

وتیش: "وەڕێوەبەرایەتی وەرگری شارستانی لە زاخۆ تیم فریاگوزاری و مەلەوانەیل وەەدرویژایی چەم خابور کە 20 کیلۆمەترە و لەناو شار زاخۆ ئەرا دویرکەفتن لە خنکیان یاند کەفتن وە ناو چەمەگە جیگیرکرد".

عەونی دووپاتیش لە "گرنگی پابەندبوین گەشتیارەیل وە رینماییەیل کرد ئەرا دڵنیابوین لە سەڵامەتییان" و ئومید خوەی نشان دا کە "ئی گامە سوودی بوود ئەرا دویرکەفتن لە رویداوەیل و مقیەتیکردن ژیان سەردانکەرەیل".

عەونی داوا لە گشت سەردانکەرەیل کرد "هاوکاری وەرد تیمەیل فریاگوزاری بکەن و پابەندبوون وەو رینماییەیلە کە لە لایەنە پەیوەندیدارەیل دەرکریانە ئەرا وەدەسهاوردن ئەزموونیگ گەشتیاری بیوەی و خوەش لە زاخۆ".