شەفەق نیوز/ وەزارەت تەندروسی لە هەرێم کوردستان، ئمڕوو دوشەممە، راگەیان نزیکەی 500 تۊشهاتن وە زگچۊن توومار کریایە ک فرەیان مناڵن. 

دکتۆر سامان بەرزنجی وەزیر تەندروسی لە حکومەت هەرێم کوردستان لەماوی کۆنگرەیگ رووژنامەوانی ک ئاژانس شەفەق نیوز ئامادەی بۊ وت:  " ئمڕوو سەردان ئیدارەی راپەرین کردیمن ئەرا زانستن لە ئاست بڵاوبۊن ئەو پەتای زگچۊن و ئەڵاوردنە ک ک هاوڵاتیەیل گردیەسەو". 

وتیش" 500 بیماری زگچۊن و ئەڵاوردن رووژانە سەردان خەسخانەیل و نۆرینگەیل پزشکی کردنە، رووژانە  خاسەوبۊن و تۊشهاتن هەس، تیمەیل پزشکی وەشیوەی فرە خاسیگ کارکەن ئەرا رۊوەرۊبۊن لە بڵاوبۊن ئی پەتا. 

دیاری کرد ، " خەسخانەیل ئیدارەی راپەرین پیشوازی کردنە لە نزیکەی460 بیمار زگچۊن و ئەڵاوردن، 353 لەلیان مناڵن و 120 کەس گەوران، ئی بیمارەیلە لەلیان نیشانەیل زگچۊن و ئەڵاوردن و یاو و ژان لە گەیە و هەوکردن لە ئەندامەیل هەرسکردنیان دەرچگە.  وەزیر تەندروسی.

وتیش، " بڕیگ خاس لە پێداویستیەیل پزشکی ئەرا ئیدارەی راپەرین دابین کریایە ئەرا رۊوەرۊبۊن پەتاگە ک بیمارییگ وەرزیە بڵاوبۊیە لە گشت شۊنەیل جەهان رێکارەیل تونیگ گرنەوەر ئەرا نواگردن  بڵاوبۊن پەتای زگچۊن و ئەڵاوردن، وەتایبەت پاکەوکردن سەرچەوەیل ئاو و مقەیەتیکردن پاکوپرچی مەکتەوەیل و باخچەیل مناڵەیل.