ناڕەزایەیل داوا کردن حکومەتی عراق ئەو بڕیارە لاوەێد، چوینکە "زیان وە مناڵەیلیان و ئایندەی ئەکادیمییان رەسنێد".

محمد ساڵح (بەشداربوی خوەینشاندانەگە) ئەرا ئاژانس شەفەق نیوز وت:  "من چوار مناڵ دیرم لە مەکتەو عەرەبی لە هەولێر خوەنن، ئی بڕیارە ئەگەر جیوەجی بکریەێد زیان فرەیگ وەپیمان رەسنێد، چوینکە وە مدوو نوژین ژینگەیگ گونجیاگ نیەتوەنیمن ئەرا پارێزگاریل خوەمان گلەو بخوەیمن".

لەلای خوەییش، حەلا ئەسەد (بەشدار لە خوەینشاندانەگە) ئەرا ئاژانس شەفەق نیوز وت: “ئی بڕیارە فرە زیانبەخشە ئەرا ئیمە، و ماوەی دوو ساڵە لە شار هەولێر ژیەیمن، و نیەتوەنیمن ئەرا پارێزگاریل خوەمان گلەو بخوەیمن ئیمە لەێرا داکاسیایمنە و ئاوارە نییمن، دەستووریش گەرەنتی نیشتەجیبوینمان کەێد لە هەر پارێزگایگ عراق وەبی جیاوازی هەرێم کوردستان بەشیگە لە عراق”.

 لەلای خوەییش، ئەمجەد ئجبوری وت؛ بڕیارگە ناڕەواس وەرانەور زیاتر لە 170 هەزار خوەنەوار وە هەردوگ رەگەز نیر و ما، چوینکە هەرکەسیگ ڕی بڕیارە دەرکردگە هویێ لە بەرژەوەندی ئەو خوەنەوارەیلە نەکردگە، یەیش بیجگە لە نەتوانین گلەوخواردن ئەرا پارێزگاریل خوەمان، چوینکە کرای خانی فرە گرانە و لێرا خانی گردیمنە”.

رووژ 14ی شوبات، وەزارەت پەروەردەی فیدراڵی عراق بڕیاردا نوێنەرایەتییەیلی لە پارێزگایل هەولێر، سلێمانی، و دهۆک بوەسێد، و راگەیان یە لە چوارچیوەی جیوەجیکردن بڕیار ئەنجومەن وەزیرەیل فیدڕاڵی تیەێد ئەرا بەسانن کەمپ ئاوارەیل.