ئەو کەسەیلە کە رزگار بوینە، و ئەوانەگ لە کەمپەیل ئاوارەیی گلەو خواردنە، و کەسوکار قوربانییەیل بڕیار دان، وڵ شیوەیلیگ خوسە و خەفەت خوەیان نشان بیەن، کە قویلایی زیان و ئارەزوو مقیەتیکردن یاد دووسەیلیان درارێد، وە هەڵدان وینەیل قوربانیەیل وەقەی دیوار ماڵە رمیاگەیل و لە جادە و کویچەیل شنگال، تا شارەگە پڕ بکەن لە یادەوەری کەسەیلیان.

ئازانس شەفەق نیوز وەرد شمارەیگ لە خەڵک شنگال قسە کرد، و خەڵەف عیدز باس کرد چوین کەسەیل فرەیگ لە خیزانەگەی لەدەسی چگن.

ئویشێد؛ هەناێ نووڕمە وینەی ئەو برامە کە لەقەی دیوارەیل ماڵ رمیایمان هەڵدریاس، چماێ لە وەردەمم وسیاس.

لەلای خوەییش، قاسم حەسو، کە باوگ و برای بوینەسە قوربانی، وت: هەڵدان وینەیل لە شنگال یادیان تیەرێدەو، نیەخوازیمن جەهان ئەوەگ وەسەرمان هات لە هویر بوەێد، و نیەخوازیمن لە هویرمان بسڕیەنەو، و هەر گشت ساڵیگ ئی یادە کەیمن.