عەلی سوفی سەفەر (یەکیگ لە خوەینشاندەرەیل) ئەرا ئاژانس شەفەق نیوز وت: وەداخەو و ئیدانەکردن بڕیارەگەی پەرلەمان عراق ئەرا سڕین مادەی 21ی یاسای بودجەی سێیانی وە گواستنەوەی مامووستایل  خانەقین و وابەستەیەیلی لە پەروەردەی  هەرێم کوردستان لە خانەقین ئەرا وەزارەت پەروەردەی فیدراڵی، وە ئەوە وە کاریگ ناکاوی دانا ک زیان وە هەزاران کەس کادر پەروەردەیی رەسانیە.

وتیش؛ لە ماددەی 21 یاسای بودجەی فیدراڵی ماف کادرەیل پەروەردەیی گیرهاتگ ناوەین هەرێم کوردستان و پەروەردەی فیدراڵی لەناوی بوی، بەڵام سڕینەوەی گورزیگ پڕ لە ئازارە لە ماف هەزاران کەس، یەیش وەو واتە ک بودجە دادپەروەری وەرانوەریان نەکرد.

 خوەینشاندەرەیل پەروەردەیی داوا کردن پەرلەمان فیدراڵی، و دوو حکومەت هەرێم و ناوەند، دووارە بنووڕنە ماددەی 21  و پەسەنی بکەن لەو بودجە کە وە کەینوبەین سیاسی پەسەن کریایە، وتنیش؛ ئەگەر نە، کادرەیل پەروەردەیی سکاڵا لە بەندەیل بودجەگە کەن، ئەرا گلەوداین مافەیلیان. 

سوفی گلەیی لە هەڵاوسان و کەمی مووچەی کادرەیل پەروەردەیی نشان دا،  ک لە ماوەی ساڵەگە لە دوو یا سێ مووچە رەد نیەکەێد، هەرچەن لە ساڵەیل گوزەشتە خاسەو بویە، وتیش: موچەگە هیماییە و ماوەی 5 ساڵە نیەسەی.

 لای خوەیەو رووژنامەنویس ئەیاد کەرکوکی ئەرا ئاژانسمان وت: بەشداریکردن لە خوەینشاندان پەروەردەیی شەرمنانەس و وەگەرد تەمایلمان نیگونجێد و لە دەیان کەس رەد نەکرد وە بەراورد شمارەی کادرەیل پەروەردەیی لە خانەقین و وابەستەیەیلی، ک شمارەیان لە چوار هەزار ئەندام زیاترە.

 کەرکوکی وتیش: بڕیارە خوەینشاندان لە ئاست داواکاری و ئەو پرسە گرنگە بوود، ک کاریگەری لەبان چینیگ گرنگ کۆمەڵگا دیرێد ک کادیرەیل پەروەردەس.