سەرکەوت ئەحمەد قسەکەر فەرمی وەناو پولیس سلێمانی لە کۆنگرەیگ رووژنامەوانی ئاژانس شەفەق نیوز ئامادەی بوی وت: ١٦ گەنج لەوانەگ دویەکە پەلامار دویەتیگ لە ناوچەی هەوانی دانە دەسگیر کریانە، و دەسنریا بان شمارەیگ لە چشتەیل تیژ لەلای توومەتبارەیل، و وەفەرمان دادوەر بەندی کریان.
ئەحمەد وتیش: لێکۆڵینەوە وەردەوامە و هاتێ بڕیگتر دەسگیر بکریەێد لەوانە لەناو لێکۆڵینەوە گومان لەلیان کریەێد.
لەباوەت رەوش تەندروسی دویەتەگە، ئەحمەد وت: پولیس هویچیگ لەبانی نیەزانێد، چوینکە سکاڵا توومار نەکردیە لەبان ئەوانەگ پەلاماری دانە، و خەڵک سلێمانی نییە باوجی لە پارێزگاگە نیشتگە.
پارچە ڤیدیۆیگ لەبان سۆشیال میدیا بڵاو بوی، نشان بڕیگ کوڕ دەێد کەفتە شوین دویەتیگ لە ناوچەی هەوانی مەوقەی تەماشاکردن پیشبڕکی ماتوڕسکڵ.
وەچەودیەیل ئویشن ئەو کوڕەیلە وە شیوەیگ قیزەوەن و نا شارستانی پەلامار دویەتەگە دانە و کەفتنەسە شوینی، وەبی زانستن هوکارەیل ئەو رەفتارە.