شەفەق نیوز/ پۆلیس گەرمیان ئمڕوو چوارشەممە، راگەیان کەسیگ ک کارمەندیل ئاسایش گەرمیان دەسگیر کردنە وە توومەت ئەوە لە ساڵ 2019 لە دوکانیگ مۆبایل فروشی  وە بڕ زیاتر لە 50 هەزار دۆلار مۆبایل دزیە.

 عەلی جەماڵ قەدوری قسەکەر پۆلیس گەرمیان، راگەیان " رویداوەگە چوودەو ئەرا ساڵ 2019، وەپای قسەی سکاڵاکەر ئەو خاوەن دوکانیگ مۆبایل فروشیە و کەسگ چەنجاریگ چیەسە دوکانەگەی و وە بڕ زیاتر لە پەنجا هەزار دۆلار مۆبایل لەلی دزیە، دویای ئاشکەرابوین تاوانەگەی، خاوەن دووکانەگە وەگەردی ریک کەفتیە ئەگەر پویلەگەی بیەێدەو سکاڵا توومار نیەکەێد کەسەگەیش رازیبویە".

باس لەوەیشکرد، " خاوەن دوکانەگە سەردانیان کردیە و سکاڵا لەو کەسە توومارکردیە و وەپییان راگەیاندیە ئەو کەسە دزی لەلی کردیە، و پابەند رێکەفتنەگە نەویە و تەنیا بڕە پویلەگەی لەلی سەنیە".

وتیش" وەی هوکارە دەسگیری کردیمن وەپای مادەی 446 بەندکردن، وەپای زانیاریەیل توومەتبارەگە کارمەندە لە ئاسایش گەرمیان".