شەفەق نیوز/ ماموسایەل و وانەبێژەیل نارازی پارێزگای سلێمانی و دەوروگەردی، ئمڕوو یەکشەممە، راگەیانن دەسڵاتدارەیل ئەمنی فیدراڵی ریگیری لەلیان کردنە لە رەدکردن خاڵ وشکنینیان وەگەرد هەرێم کوردستان تا روی بکەنە بەغداد ئەرا خوەنیشاندان.
یەکیگ لە ماموسایەیل لە تووماریگ دەنگی راگەیان " نزیکەی 2000 ماموسا و فەرمانبەر لە سلێمانیەو روی کردنەس بەغداد دەسڵات دارەیل ئەمنی لە بازگەی کەرکوک ریگیری لە چگنە ناو پارێزگاگە لەلیان کریایە هەرچەنە دویەشەو وتریاس وەپیان: ئیوە لیگە وەپیدان دریاگە و بان و مقیەتیدان کەیمن تا گلەوخوەن".
وتیش، قەیەغەکردن چگن ماموسایەیل و فەرمانبەرەیل تەنیا لە کەرکوک نەویە بەڵکم قەزای خانەقین و دوزخورماتوو و گشت خاڵە وشکنینەیل فیدڕاڵی لە پارێزگا هاوسنوورەیل هەرێم گردیەسەو، وتیش: ئیمە ئیرنگە لەنوای خاڵ وشکنینەگە خوەنیشاندان کەیمن.
قسەکەرەگە وتیش، وە داخەو ئەرا رووماڵنەکردن رویداوەگە وەلایەن دەزگایەیل راگەیانن عراقی و گرنگی نەیان وە رویداوەگە.