شەفەق نیوز/ دەرچگەێل قەزای خانەقین باکور خوەرهەڵات دیالە، ئمڕوو پەنجشەممە، جوور خوە پیشاندەرەێل پەروەردە، ئەرا جار سێیەم خوەپیشاندان نوو کردن ئەرا داواکاری پلەێل دامەزراندن یان گریەبەسی.      

نوێنەر دەرچگەیل خانەقین خالد عەلی ئەرا ئاژانس شەفەق نیوز وت: سەدان دەرچگەێل ئمڕوو خوەپیشاندان کردن لەنوای بەش پەروەردەی خانەقین، داواکاریەێل تایوەتێگ لە پەروەردەی دیالە کردن ئەرا ئەوەگ پلەێل دامەزرانن یان گریەبەسی جوور دەرچگەێل زانکۆ پەروەردیەێل دەستەوەر بکرێد.    

عەلی جەختکرد لە دەرچگەیل هەفتەی ئایندە لە نوای قایمقامیەت خانەقین خوەپیشاندان کەن ئەرا ئەوەی داواکاریەێلیان برەسێدە شۊین دیارکریای و ماف خوەیان وە دەس بارن.    

دەرچگەێل خانەقین لەماوەی هەفتەێل وەرین خوەپیشاندان کردن ئەرا دامەزراندن یان گرێبەس جۊر وانەبێژەیڵ گشت پارێزگایەێل.