شەفەق نیوز/ فەرمانگەی کشتوکاڵی خانەقین سەروە هەرێم کوردستان، ئمڕوو پەنجشەممە، راگەیان تەرخانکردن ٩٠ هەزار دۆنەم ئەرا پلان زمسانی لە  گەنم وجویە کاڵین.

کامیران عەبدولڵا ئەرا ئاژانس شەفەق نیوز وت: فەرمانگەی کشتوکاڵی خانەقین سەروە هەرێم کوردستان پلانە زمسانیەگە ئەرا ناوچەیل دەورگرد خانەقین و ناحیەیل  مەیدان و قورەتو وە ٦٠ هەزار دۆنەم ئاوی و ٣٠ هەزار دۆنەم دەیمی لە پلان فەرمی، و هەمیش بڕەیلیگ تر لە گەنم وجویە ئەرا بازاڕە بازرگانیەگان فرووشن.

وەرپرسە خۆجێیەگە دووپاتکرد ک فەرمانگەگەی تویەم ئەرا کشاورزەگان تەرخان کرد، و چەوەڕیە وەی نزیکە سەماد بەێدە پیان، و ئاماژە کرد لە تەرخانکردن ٣ ناوەند ئەرا وەرگردن بەرهەمەگان لە  کەلار و دووزخورماتوو و بەعقوبە، و دویایی بەرهەمەگان ئەرا حکومەت فیدڕاڵی فرووشیەێد.

قەزای خانەقین ناسریاگە وە باخە فەرگانی لە دار خورما و تورشایەتی و دەیان لە چینەیل دارە بەردارەگان، و هەمیش زەویە کشتوکاڵیەگانی ئەرا تویەم و سەوزەمەنی.