شەفەق نیوز/ شار خانەقین، داوا لە لایەنە وەرپرسەیل کردن تا ئامێرەیل ئاوی دابین بکات ئەرا پاکەوکردن چەم ئەڵوەن و ڕزگارکردنی لە گژوگیای فرەی ک رەنگینی و ناسنامەی شاردیەسەو.
لەپشت ئەو هەڵمەت جەماوەریە ک بڕێ لە ئەکادیمی و چالاکوانەیلە ئەرا پاکەوکردن چەم ئەڵوەن، بەش سامانە ئاوییەیلە لە خانەقین داوای ئامێرەیل ئاوی کرد تا چەن ئەڵوەن پاکەو بکریەێد.
موئەیەد شاکر وەڕێۆبەر بەشەگە ئەرا ئاژانس شەفەق نیوز وت: وە فەرمی داوا لە وەڕێۆبەر خاسەوکردن پڕۆژەیل ئاویاری کردیمن تا حەفارە دابین بکەێد و نوای قەیران تینگی و هشکی بگریەێد ک دەێدە فرەی ناوچەیل خانەقین، ومقەیەتی ری ئاوەگە وەرەو ویستکەیل پاڵین بکەێد.
وتیش: دویاخستن پاکەوکردن ئەڵوەن لەوەر دابینکردن ئاو خواردن ئەرا مانگەیل ئایندە هات، و دیاری کرد ک پاکەوکردن چەمەگە وەبی ئامێرەیل ئاوی هشکەوکردن ئاو ئەڵوەن خوازێد ک بوودە هووکار قەیرانیگ لە ئاو خواردن.