شەفەق نیوز/ حکومەت هەرێم کوردستان، ئمڕوو پەنجشەممە، بڕیار دریژەوکردن وسانن دەوام فەرمی لە مەکتەو و زانکۆەگان دا، ئەرا نواگردن لە هاتنەوەی بەرزەوبوین رێژەی تووشهاتنەگان وە پەتاگە، دویای ئەوە ک داوەوین ئاشکرایگ لە رووژەیل گوزەیشتە وەخوەی دی.
.لەی باوەتە، جوتیار عادل قسەکەر وەناو حکومەت هەرێم لە بەیاننامەیگ رەسیە ئاژانس شەفەق نیوز وت: دویای راوێژکاری وەگەرد وەزارت تەندروسی لەباوەت رەوشەگە لە ڤایڕۆس کۆڕۆنا، وەتایبەت لە بڵاوبوین ڤایرۆسەگە لە نووەو لەناو چەن دەوڵەتیگ، ئەرا مقەیەتیکردن تەندروسی خوەنەوارەگان و ماموستاگان بڕیار وسانن دەوام لە مەکتەو و پەیمانگا و زانکۆەگان دریا تا ٢٠٢١/١/١٦.