سکێرتێر یەکێتیەگە بورهان عەلی فەرەج، وە ئاژانس شەفەق نیوز وت، لیژنەی سەردانکردن و توومارکردن سکالای تونوتیژی وەرانوەر پیاوەیل لەماوەی مانگ حوزەیران 61 سکالای تونوتیژی توومارکردیە، وەگەرد 3 حالە خوەیکوشتن و 4 کوشتن، وتیش ئامار تونوتیژیەیل لە 1 کانوون دویەم 2024 تا 1 تەمووز 2024 لە گشت لقەگان و ناوچەیل هەرێم کوردستان رەسیەس 342 حالەت تونوتیژی، 31 خوەیکوشتن و 11 وە کوشتن رەسانن لەئەنجام گیچەڵ خێزانی.

دووپاتکرد ئامارەگە وە چەو ساڵ پار داوەزین وەخ،ەی نەدیە، بەرزەوبوین شمارەی کوشیاگەیل لەوەر گیچەڵ خێزانی و زیایبوین سکالای تونوتیژی وەرانوەر پیاوەیل نیگەرانیەیل زیایکردیە.

لەباوەت هووکارەگە رووشنیکرد، قەیران دارایی و ئابووری هووکار سەرەکی زیایبوین گیچەڵە، وەپای ئەوەگ پای وە وەرپرس سەرەکی دابینکردن پێداویستیەیل دارایی دانرێد، و هەمیش دەستێوەردانەیل کەسوکار ژنەگە و تووڕەیل کۆمەڵایەتی و کاریگەری لەبان ئەندامەیل خێزانەیل دیرێد وەگەرد لاوازی جیوەجینەکردن یاسا و گشتیان بەشیگن لە بارودۆخەگە، دیاریکرد لە گرنگی رۆل رێکخریاگەیل کۆمەڵایەتی مەدەنی و سەنتەرەیل راگەیانن و دامودەزگایەیل رووشنهویری لە رووشنهویرکردن کمەڵگە لە گیچەڵەیل خێزانی و هووکارەگەی.

وتیش، ئێ لایەنەیلە مینەی هووکار و پاڵەنەرەیلی کەن و پێشکەش حکومەتی کەن جویر پرۆژەیگ ئەرا دانان  چارەسەر گونجیایگ ئەرای.