شەفەق نیوز/ نووسینگەی راگەیانن موستەفا کازمی سەرۆک حکومەت عراق وت: کازمی وەگەرد نێچیرڤان بارزانی سەرۆک حکومەت هەرێم کوردستان، باس کرد وەگشتی رەوشەگان و باوەتەگان ک وڵاتەگە وەخوەی دوینێد.
بەیاننامەیگ ئەرا نووسینگەگە وت؛ باس کریا لە باوەتە هاوبەشەگان لەناوبەین حکومەت فیدڕاڵی و حکومەت هەرێم، و دووپاتکردن هاوبەش لە گرنگی یەکێتی رزەگان و هەڵوێستەگان لەنواگردن سەختیەگان ئیسە.
وتیش؛ چەوپیکەفتنەگە رێککەفتن هاوبەشیگ و دووپاتکردنیگ وەخوەی دی لە گرنگی وەجیهاوردن کفتوگۆ و دەستور جوور چادریگ گردەوکەر ئەرا چارەسەرکردن گشت باوەتەگان، و رسین ئەرایان وە خاسترین شیوە خزمەت گەل عراق وەگشت پێکهاتەگانی بکەێد.
هەمیش لە چەوپیکەفتنەگە دووپاتکریا لە هەماهەنگی ئەمنی لەناو هێزە چەکدارەگان، ئەرا ریگردن لە چەتەیل داعش و دەرچگنی وە هەر شیوەیگ، و وەوشیوەگ ئارامی دابین بکەێد، و چگنەوەی تەواوەتی ئاوارەگان، و ئەمنجامدان هەڵبژاردن سەرکەفتگیگ بوودە ری راستەقینەیگ لە خوازین عراقیەگان وپەسەنە دیموکڕاتیەگەیان.