شه‌فه‌ق نيوز/ حكومت ناوه‌ندى ده‌س كرده وه‌رگرتن گه‌نم له جفتياره‌يل هه‌ولێر و سلێمانى.
له‌ى باوه‌ته‌و، نه‌وزاد ئه‌دهه‌م وه‌ڕيه‌وبه‌ر گشتى له وه‌زاره‌ت بازرگانى له حكومه‌ت هه‌رێم كوردستان له لێدوانيگ وت: له رووژ 9/ 6/ 2019ه‌وه ده‌سكرياسه وه‌رگرتن گه‌نم له جفتياره‌يل هه‌رێم كوردستان و وه‌رگرتنى له مه‌رزه‌يل قه‌زاى مه‌خموره‌و بويه‌و له رووژ 16/ 6/ 2019يش وه‌رگرتن گه‌نم له جفتياره‌يل هه‌ولێر و سلێمانى ده‌س وه‌پى ئه‌كا.
ئه‌دهه‌م هه‌ميش وت: بڕ ئه‌و گه‌نمه ك وه‌رگيرياگه له‌لايه‌ن حكومه‌ت ناوه‌نديه‌و ئه‌را ئمساڵ وه‌ى جووره‌سه: 100 هه‌زار ته‌ن له هه‌ولێر، 112 هه‌زار ته‌ن له دهۆك، 80 هه‌زار ته‌ن له سلێمانى، 20 هه‌زار ته‌ن له هه‌ڵه‌بجه، 28 هه‌زار ته‌ن له گه‌رميان، ك جه‌م گشتى رسيده 340 هه‌زار ته‌ن.