شه‌فه‌ق نيوز/ شانديگ له حكومه‌ت هه‌رێم كوردستان، سه‌ردانيگ ئه‌را به‌غداى پايته‌خت ئه‌نجام ئه‌يه‌ێد له‌وه‌ر يه‌كلاكردنه‌وه‌ى چه‌ن دوسيه‌يگ، له‌وانه‌يش دوسيه‌ى بودجه‌ى گشتى و مووچه‌يل.
له‌ى باوه‌ته‌و، مه‌ياده نه‌جاڕ ئه‌ندام له‌بان فراكسيۆن پارت ديموكرات كوردستان ئه‌را ئاژانس شه‌فه‌ق نيوز وت: له‌ى هه‌فته شاند هه‌رێم كوردستان روێ له به‌غدا ئه‌كا له‌وه‌ر تاوتوێكردن چه‌ن دوسيه‌يگ، له‌وانه‌يش مه‌سه‌له‌ى بودجه‌و مووچه‌ى كارمه‌نده‌يل و چه‌ويشى ئه‌كه‌فێده مسته‌فا كازمى سه‌رۆك وه‌زيره‌يل و سه‌رۆكه‌يل تر هيزه‌يل سياسى.
نه‌جاڕ ئاماژه وه‌يه‌يش كرد ئى دانيشتنه‌يله هه‌وه‌جه وه ريككه‌فتنه‌يل ستراتيجى و جيوه‌جيكردنى ديرێد له‌بان زه‌وێ واقع له‌وه‌ر يه‌كلاكردنه‌وه‌ى دوسيه‌يل ناونى هه‌ردوگ حكومه‌ت ناوه‌ند و هه‌رێم كوردستان.
جى باسه، يه‌يش له‌وه‌ختيگه وه‌رجه ئه‌يه دو گه‌شت تر له گفتگوو وه‌ل حكومه‌ت عراقى ئه‌نجام درياگه له‌ماوه‌ى مانگ گوزه‌يشت و سه‌ره‌تاى ئى مانگه.