شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو یەکشەممە، پڕۆژەی تلیفرک کوێەی گەشتوگوزاری زاوا لە پارێزگای دهۆک کردەو، و دووپات کرد ک هەرێم کوردستان وەساڵ سەختیگ رەد بوی و خوەی نەیا دەس قەیرانەیل و ئەوەسا پڕۆژەیل ستراتیژییگ تر جیوەجی کەێد.

بارزانی وتیش؛ دەسکردیمنە بەرنامەی چاکسازی، و ئەوەسا وە پەنای خودا و پاڵپشتی هاووڵاتییەیل وەردەوام بویمن، لەبان گشت ئەو ریگریەیلە ک نریا نوا ئەرا پەکخستن چاکسازیەگە، وتیش: نەبایەد کەسیگ نوای ریەگەمان وەرەو جیوەجیکردن چاکسازی بگرێد.

و دیاری کرد ک هەرێم کوردستان ساڵ سەختیگ وەپشتسەرنا، وەتایبەت دویای بڵاوبوین پەتای کۆڕونا و داوەزین نرخەیل نەفت جهانی، ک گرفتەیلیگ ئابووری دروس کرد و وەخراوی هاتە بان رەوش ئابووری و ژیان گشتی هاووڵاتییەیل.

سەرۆک حکومەت باس باوەت شایستە داراییەکان هەرێم لە بوودجەی فیدڕاڵی کرد ک تا ئیسە نەڕەسیە، و باس لە ئومید خوەی کرد ک وەی نزیکە کلی بکریەێد.

بارزانی دووپات کرد ک حکومەت عراقی لە ١١ مانگەو بەش هەرێم کوردستان کل نەکردگە، و لەبان ئەوەیش حکومەت وەردەوامە لە جیوەجیکردن پرۆژەیل، و نێەوسیەێدەو و ئەوەسا پڕۆژەەیلیگ تر لە گشت شوینەیل هەرێم کوردستان جیوەجی کەێد.

سەرۆک هەرێم باس لە باوەڕی خوەی کرد ک ئابووری لە هەرێم کوردستان ئەوەسا وە تەقەلای هاووڵاتییەیلی خاسەو بوود ، وتیش؛ ئارامی و ئاسایش سیاسی دوو کار گرنگن.

سەرۆک حکومەت وتیش؛ وەگەرد مقەیەتیکردن ئارامی سیاسی بایەدە مقەیەتی ئاسایش هەرێم کوردستان و ئارامیی بکریەێد، و ئەوەسا گشت تەقەلایلمان ئەرا ئەوە دەیمن.