شه‌فه‌ق نيوز/ په‌رله‌مان عراق له دانيشتنى ئه‌را ده‌نگداين له‌بان ياساى هه‌ڵوژاردنه‌يل شكه‌ست هاورد دوياى ناكووكى ناونى فراكسيۆنه‌يلێ.
له‌ى باوه‌ته‌و، په‌يامنێر شه‌فه‌ق نيوز له‌ناو قوبه‌ى په‌رله‌مان عراقييه‌و وت: ئه‌نجومه‌ن نوێنه‌ره‌يل دانيشتنى دوياخستگه تا وه‌ختيگ ياساى هه‌ڵوژاردنه‌يل ته‌واو ئه‌كاو ريككه‌فتن له‌بان ئه‌كريه‌ێد.
باس له‌وه‌يش كرد ديارترين خاڵه‌يل ناكووكى له‌ناو په‌رله‌مان پيكهاتگه له مه‌سه‌له‌يل جياوازيگ و هه‌ر وه‌و خاتريشه دانيشتنه‌گه دوياخرياگه ئه‌را وه‌خته‌يل تر، يه‌يش له‌وه‌ختيگ سه‌رۆكايه‌تى په‌رله‌مان بڕيار ئه‌وه داگه مووڵه‌ت تر بدريه‌ێده ليژنه‌ى ياسايى ئه‌را سازكردن دانيشتنه‌يلى تا وه‌ختيگ مشتومڕ له‌باره‌ى مادده‌ى 15 له ياساى هه‌ڵوژاردنه‌يل ئه‌نجومه‌ن نوێنه‌ره‌يل عراقى يه‌كلاوه بكا وه به‌شدارى گشت نوێنه‌ر فراكسيۆنه‌يل سياسى.