شەفەق نیوز/ سەرچەوەیگ ئەمنی لە دیالە، ئمڕوو چوارشەممە، خەوەردا لە کوشیان و زەخمداری چوار کەس پۆلیسیگ هاناویان وە دوو رویداو هاتوچو لە قەرەتەپە و خانەقین.
سەرچەوەگە ئەرا ئاژانس شەفەق نیوز وت: سێ مەدەنی وە رویداویگ ناوبەین دوو ماشیژ لە دەورگرد ناحیەی قەرەتەپە گیانیان لەدەسدان، وتیش: قوربانیەیل ئەرا پزشک دادوەری کلکریان، و دەسەڵاتەیل هاتوچو لێکۆڵینەوە لە رویداوەگە واز کردن.
لە رویداویگتر، خود سەرچەوەگە وت: پولیسیگ لە هیزەیل سوات لە خانەقین زەخمداری سەختیگ بویە، هەنای ماشینیگ مەوقەی جیوەجیکردن ئەرکی لەبان ری مەنزەریە- گەڕەک شورتە لە خانەقین تلانەی.
سەرچەوەگە وتیش: پولیسەگە ئەرا خەسخانە کلکریایە، و دەسەڵاتەیل ئەمنی لێکۆڵینەوە لە رویداوەگە واز کردن.