شەفەق نيوز/ سەرچەوەیگ ئەمنی، ئمڕوو چوارشەممە، خەوەردا لە کوشیان مەدەنییگ و زەخمداری یەکیگ تر، وە دوو رووداو جیاجیا لە پارێزگای دیالە.
سەرچەوەگە ئەرا ئاژانس شەفەق نیوز وت: گەنجیگ لە رووداو ماتوورسکڵەگەی وەگەرد ماشینیگ نزیک خاڵ وەشکین عشتار لە دەورگرد قەزای خاڵس کوشیا.
وتیش: تەرم قوربانیەگە وەرەو پزشک دادوەری بریا.
سەرچەوەگە وتیش؛ کابرایگ مەدەنی وە قەڵبەوبۊن ماشینەگەی لەبان ری کشتوکاڵی لە دەورگرد قەزای بەلەدرووز زەخمدار بۊی.