شەفەق نیوز/ سەرچەوەیلیگ ئەمنی، ئمڕوو سێشەممە، خەوەردا لە کوشیان خانمە وەڕیەوبەر مەکتەویگ، و ئەندامیگ لە پولیس، و دراوردن تەرم خنکیاییگ، لە رویداوەیلیگ جیاجیا لە بەغدا و دیالە.
سەرچەوەیل ئەرا ئاژانس شەفەق نیوز وتن: خانمە وەڕیەوبەر مەکتەو ئامادەیی، کە ژن جینشین فەرمانگەی ڕەگەزنامەی یوسفیەس، ئەفسەر وە پلەی عەقید، لە ئەنجام پلیان ماشینەگەی وەناو پڕۆژەیگ ئاویاری لە ناحیەی یوسفیە باشوور بەغداد.
لە رویداویگ ترەک، سەرچەوەیل وتن: پولیسیگ وە کووڵ ماتووڕسکڵیگ لە ئەنجام رویداویگ هاتوچو وەگەرد ماشینیگ ناوڕاس قەزای خانەقین گیانی لەدەسدا.
لە رویداو سێیەم، سەرچەوەیگ باس دراوردن تەرم گەنجیگ کرد کە مەوقەی مەلوانیکردن لەناو چەم خاڵس لە ناوچەی سراجق دەورگرد قەزای خاڵس باکوور دیالە خنکیا.