شەفەق نیوز/ دەیان کەس خەڵک چەن ئاواییگ لە ناحیەی سەلام باکوور خوەرهەڵات شار بەعقوبە ناوەند پارێزگاگە دیالە، ئمڕوو شەممە، خوەینشاندان کردن، و رییگ گرنگ بڕین، لە ناڕەزایەتی لەبان پشتگووشخستن باوەت پەلاماریگ تیرۆری وەرجە چەن مانگیگ لەبان ئاوایەیلیان، ک قوربانی و زەخمداری لەلی کەفت.
پەیامنێر ئاژانس شەفەق نيوز وت: خەڵک ئاوایەیل عەلی ناسر و سەید (عەنبەگیە) سەروە ناحیەی سەلام ری بەعقوبە-مەنسوریە بڕین، لە ناڕەزایەتی لەبان ۆاشکرانەکردن ئەنجامەیل لێکۆڵینەوەی ئەو پەلامار تیرۆریە لەلایەن داعش لە تەمووز گوزەشتە ک ١٤ کەس لە کوشیان و زەخمداری لەلی کەفت، و وەشویننەکەفتن تاوانکارەیل.
پەیامنێر ئاژانسمان وتیش: ناڕەزایل چادر مانگردن لەناوڕاس ریەگە هەڵدان، و هەڕەشەی زیایکردن ناڕەزاییان کردن ئەگەر داوایان جیوەجی نەکریەێد.