شەفەق نیوز/ فەرماندەیی ئۆپراسیۆنەیل بەغداد، ئمڕوو چوارشەممە، خەوەردا لە دروسبوین مەرافیگ وە دەسپیچگ تەقەلای دەسدرویژیکردن وە بان دوو دویەت مناڵ دریاس وە لایەن دوو کەس لە کویچەی "تارق"لەشار سەدر خوەرهەڵات پایتەخت.
تووڕەیل کۆمەڵایەتی و بڕیگ لە ئاژانسەیل راگەیانن خەوەریگ بڵاوکردن " لە کویچەی تارق دوو دویەت مناڵ دەسدرویژی وەبانیان کریاس ".
وەی مدووە فەرماندەیی ئمڕوو لە بەیاننامەیگ دووپاتکرد: لەدویای ئەوەگ زانیاری رەسی لە هەبوین مەرافیگ لە ناوەی (حەی تارق) خوەرهەڵات بەغداد دەسوەجی هێزەیل تیپ پەنج پۆلیس فیدڕاڵی رویکردنە شوین رویداوەگە ئەرا کووەوکردن گشت زانیاریەیل.
وەپای بەیاننامەگە "دەرچگە مەرافیگ هەس وە دەسپیچگ دەسدرویژی کردنە بان دوو دویەت پەنج ساڵان و هەردووگ توومەتبارەیل دەسگیر کریان و دریانە لایەنە پەیوەنیدارەیل ئەرا تەواکردن رێکارەیل یاسایی وەرانوەریان.