شەفەق نیوز/ موستەفا کازمی سەرۆک وەزیران عراق، ئمڕوو شەممە، راگەیان دیاریکردن رووژ شەش ئادار لە هەر ساڵیگ، رووژیگ نیشتمانی ئەرا ئاشتی و پێکەوەژیان لە عراق.
کازمی لە پۆستیگ لەبان ماڵپەڕ تویتەر و ئاژانس شەفەق نیوز چەودیریی کرد نووسان: وە بۆنی چەوپێکەفتنە مێژووییەگەی ناوبەین دوو جەمسەر ئاشتی، عەلی سیستانی مەرجع باڵا، و قەداسەت پاپا فرانسیس، و چەوپیکەفتن ئاینەکان لە شار مێژووی ئوور، وەفەرمی راگەینیمن دیاریکردن رووژ شەش ئادار لە هەر ساڵیگ، رووژیگ نیشتمانی ئەرا ئاشتی و پێکەوەژیان لە عراق.