شه‌فه‌ق نيوز/ سه‌رچه‌وه‌يگ ئه‌منى له سه‌ڵاحه‌دين، ئاشكراى شيوازه‌يل شكه‌ستهاوردن وه پرووسه‌يگ دزه‌كردن چه‌كداره‌يليگ له ريكخرياگ داعش كرد له ده‌ورگرد قه‌زاى سامه‌ڕا له باشوور خوه‌رهه‌ڵات تكريت.
له‌ى باوه‌ته‌و، سه‌رچه‌وه‌يگ ئه‌را شه‌فه‌ق نيوز وت: هيزيگ ئه‌منى له ليواى 313 له حه‌شد شه‌عبى وه به‌شدارى هه‌واڵيگرى و پاڵپشتى تووپخانه‌و مووشه‌كى شكه‌ست وه هه‌وڵيگ دزه‌كردن داعشيه‌يل وه‌ره‌و ناو سامه‌ڕا هاوردگه له‌ڕێ ناوچه‌ى ته‌ل ته‌وكتن و ناچاريان واينيان كردگه.
سه‌رچه‌وه‌گه باس له‌وه‌يش كرد وه‌گووره‌ى ده‌سكه‌فتن زانياريه‌يليگ پڕ دقه‌ت ئه‌را سه‌ركردايه‌تى فه‌رمانده‌يى جه‌خت له‌وه كرياگه ك چه‌كداره‌يليگ له داعش هه‌وڵ ئه‌وه دانه دزه بكه‌ن وه‌ره‌و كه‌رته‌يل فه‌رمانده‌يى سامه‌ڕا و كه‌مين ئه‌رايان دانرياگه‌و شكه‌ست وه‌و هه‌وڵه هاورياگه.