شه‌فه‌ق نيوز/ سه‌رچه‌وه‌يگ ناوچه‌يى له دياله، ئاشكراى كه‌ره‌نتينه‌كردن گه‌ڕه‌كيگ له باقووبه كرد دوياى تۆماركردن 10 حاڵه‌ت تويشبوين وه ڤايرۆس كۆرۆنا له‌تى.
له‌ى باوه‌ته‌و، عه‌بدوڵڵا حه‌يالى قايمقام باقووبه‌و ئه‌ندام شانه‌ى قه‌يران له دياله ئه‌را ئاژانس شه‌فه‌ق نيوز وت: هيزه‌يل ئه‌منى ده‌سكردنه‌سه جيوه‌جيكردن كه‌ره‌نتينه‌كردن ناوچه‌يى و ناوچه‌ى "خان لوالووه" له باقووبه‌ى تازه داخستنه دوياى تۆماركردن 10 حاڵه‌ت تويشبوين وه كۆرۆنا له ناوچه‌گه.
حه‌يالى باس له‌وه‌يش كرد ئه‌و تويشبويه‌يله گشتيان له شوون تايبه‌ت له باقووبه كه‌ره‌نتين كريانه و خريانه‌سه ژير چه‌وديرى پزيشكى و چاره‌سه‌ر و 150 كه‌سيش له كه‌س وكاريان كه‌ره‌نتين كريانه له‌ناو ماڵه‌يليان خوه‌يان و وشكانن ئه‌رايان كرياگه.