شەفەق نیوز/ سەچەوەیگ ئەمنی، ئمڕوو دووشەممە، خەوەردا لە مردن و زەخمداری 21 ئیرانی وە رویداو هاتوچو لە پارێزگای واست کە ئەرا زیارەتکردن چلەی ئیمام حسێن هاتوین.
سەرچەوەگە وە ئاژانس شەفەق نیوز وت، پەنج زیارەتکەر ئیرانی مردیە و 16 کەسیش زەخمدارە لەئەنجام پلیان پاسایگ لە جویر "کۆستەر" کە هەڵیانگردوێد لە ری بەدرە-دبونی.
ئاشکەرایکرد، پاسەگە وەرەو شار کەربەلا چگە ئەرا وەجی رەسانن زیارەت چلەی ئیمام حسێن، دیاریکرد زەخمدارەی ئەرا خەسخانەی نزیکیگ کلکریانە قوربانیەیلیش ئەرا فەرمانگەی پزیشک دادوەری.