شەفەق نیوز/ مەدەنییگ گیان لەدەسدا و یەکیگیش زەخمدار بوی وە رویداو هاتوچو کە شەوەکی شەفەق، ئمڕوو دووشەممە، رویدا لەبان ری خانەقین ـ کەلار باکوور خوەرهەڵات دیالە.
سەرچەوەیگ ناوخوەیی وە ئاژانس شەفەق نیوز خەوەردا، رویداوگە لە ئەنجام لەیەکەوداین ناوەین دوو ماشین بویە لەبان ئەو ریگەیە.
وەپای شایەتحالەیل، خێرایی بەرزیگ و وریانەبوین هووکار سەرەکی رویداوەگە بویە.
لە بەغداد، سەرچەوەیگ ئەمنی وەئاژانس شەفەق نیوز وت ژنیگ گیان لەدەسدا و هەفت کەسیش زەخمداربوین لە ئەنجام پلیان ئەو ماشینەی سواری بوینە لە نزیک چێشتخانەی بەرەکە لە ناوچەی موشاهیدە لە قەزای تارمیە باکوور پایتەخت.