شەفەق نیوز/ دەسەی ئامار تورکیا، ئمڕوو شەممە، راگەیان عراقیەیل هانە پلەی چوارەم لەناوەین ئەو وڵاتەیلە زیاترین ماڵ و مولک لە تورکیا سەندنە لە ماوەی مانگ وەرین ئازار.
دەسەگە لە راپۆرتیگ کە ئاژانس شەفەق نیوز ئەڵگەردانی کردیە راگەیان،فروشتن ماڵ وە بیانیەیل وە رێژەی 47.9% داوەزیاگە لە مانگ ئازار وە بەراورد وە هەمانگ مانگ لە ساڵ وەرین 2023 ، کە رەسیە 1,778. رێژەی فرووشتن یەکەیل نیشتەجیبوین وە بیانیەیل وە گشتی لە مانگ ئازار رەسیە 1.7%.
ئستەنبول لە پلەی یەکەم تێد لە فروشتن یەکەی نیشتەجیبوین وە بیانیەیل وە 652 لە دویای ئەنتالیا وە فروشتن618 ماڵ، مەرسین وـ 151 ماڵ فروشیاگ.
دەسەگە دیاریکرد"روسیەیل لە لویتکەی ئەو وڵاتەیل ترەک مەن لە سەنین ماڵ و موڵک لە تورکیا ل ماوەی مانگ شوبات وە 411 ماڵ، و ئیرانیەیل وە پلەی دویەم تین وە سەنین 182 ماڵ لەدویای ئەویش ئۆکرانیا وە پلەی سێیەم تێد وە 129 ماڵ، عراق وە پلەی چوارەم تێد وە 82 ماڵ".