شەفەق نیوز/ سەرچەوەیلیگ ئەمنی، ئمڕوو شەممە، خەوەردان لە کوشیان و زەخمداری پەنج کەس وەلای کەمەو، ئەندامەیلیگ لە هیزەیل حەشد شەعبی هاناویان، ئەوەیش وە رویداویگ هاتوچو نزیک شار مووسڵ ناوەند پارێزگای نەینەوا، و خوەیکوشتن گەنجیگ وە هوکارەیل نادیاریگ لە پارێزگای دیالە.
سەرچەوەیگ ئەمنی لە پارێزگای نەینەوا ئەرا ئاژانس شەفەق نیوز وت: دوو کەس وەلای کەمەو کوشیان، و سێیانیش زەخمدار بوین، ئەندامەیل حەشد شەعبی هاناویان، ئەوەیش وە رویداویگ هاتوچو لەبان ری مووسڵ - تکریت، و دیاری کرد ک رویداوەگە لەوەر تونی رانین بویە، و هیزیگ رەسیە ئەرا بردن زەخمدارەیل وەرەو خەسەخانە، و تەرم دوو قوربانیەگە ئەرا پزشک دادوەری بریا.
سەرچەوەیگیش لە پارێزگای دیالە، ئەرا ئاژانس شەفەق نیوز وت: گەنجیگ لە تەمەن ٢٢ ساڵان، لەناو ماڵەگەی لە ناحیەی جدیدەت شەت وەگولە خوەی کوشتیە.
سەرچەوەگە وتیش: هیزیگ ئەمنی رەسیە شوین رویداوەگە و لێکۆڵینەوە ئەرا رەسین وە بندروس رویداوەگە واز کرد، و تەرمەگە ئەرا پزشک دادوەری بریا.