شەفەق نیوز/ حکومەت زیقار، ئمڕوو چوارشەممە، دیجلە و فورات دی لە ناوچەیل پارێزگاگە لەجیای بەسرە گردەو بوون، ئەوەیش لەوەر قەیران ئاو، لە وەختیگ عەون دیاب وەزیر سامانەیل ئاوی وت: تەکانەیل ئاو ئەرا گشت ناوچەیل زیای بویە.
دیاب لە کۆنگرەیگ رووژنامەوانی لە بینای دیوان پارێزگای زیقار کە ئاژانس شەفەق نیوز ئامادەی بوی وت: ئی وەرز ئاوییە فرە لە وەرز گوزەشتە خاسترە، وەلێ هەر ئاوەگە کەمە، و دووپات کرد کە وەزارەتەگە وە گشت توانای کار کەێد ئەرا بەشەوکردن تاقاوەیل وەشیوەیگ کە ئەرا گشتی بڕەسێد، وە مەرجیگ یەکەمین ئەو تاقاوەیلە ئەرا مسۆگەرکردن ئاو نووشین بوود.
لەلای خوەییش، پارێزگار زیقار لەناو کۆنگرەگە وت: دیجلە و فورات دی لە زیقار یەکانگیرەو بوون، لەجیای قورنە لە بەسرە، ئەوەیش لەوەر ئەو قەیران ئاوە کە دەێد لە ناوچەیل پارێزگاگە، وتیش؛ ستەمە گەورەگە کەفێدە بان ناسریە و دەورگردی لە تاقاوەیل.
وتیش: حکومەت پارێزگاگە وەگەرد وەزیر و شاندەگەی رێککەفتن لەبان مسۆگەرکردن جیگیربوین تاقاوەیل زیقار لە ماوەی ئایندە و کەمیەو نەکریەێد.