یەکیگ لە سەرچەوەیل وە ئاژانس شەفەق نیوز خەوەردا، "گەنجیگ لەداڵگبوی 2003 کە بیماری دەروینی داشتیە، شەوەکی ئمڕوو  خوەیکوشتیە لەری هەڵواسین خوەی وە پەت هەڵواسیایگ لەقێ قەواسەی ماڵ لە ناوچەی بەلەدیات لە خوەرهەڵات بەغدای پایتەخت".

لە زیقار، سەرچەوەیگ ترەک وە ئاژانسەگە وت " گەنجیگ بیس ساڵان خوەیکوشتیە لەری هەڵواسین خوەی وە پەت  هەڵواسیایگ لەقێ پەنکەی قەواسەی ناو ماڵیان لەناوچەی ئەریدو لەناوڕاس شار ناسڕیە ناوەن پارێزگاگە".

وەپای سەرچەوەگە، "لێکۆڵینەوەیلە چەسپنن هووکار خوەیکوشتنەگەی چوودەو ئەرا بیماری دەروینی، تەرمەگەی ئەرا پزیشک دادوەری کلکریاس تا رێکارەیل یاسایی ئەرای تەواوبکرێد". 

لە رویداویگ ترەک، فەرمانبەریگ حکومی لە کۆمپانیای فیراڵی ئەرا مادەیل وەراکی گیان لەدەسدا، کە رانندەی ماشین بارهەڵگر بوی لەدویای لەیەکەوداین ماشینەگەی وەگەرد پەرژینیگ ئاسنین لە نزیک چەم عبادە لە بان ری ناودەوڵەتی خێرا لە خوەرئاوای شار ناسڕیە.