شه‌فه‌ق نيوز/ كۆمپانياى "پترۆناس" ماليزى ك له‌ سه‌رچه‌وه‌ى نه‌فتى ئه‌لغه‌ڕاف له‌ پاريزگاى زيقار كار ئه‌كا, به‌رزترين به‌رهه‌م خه‌زنكردن و هه‌نارده‌يى وه‌ده‌س هاورد له‌وه‌ختيگه‌و ده‌س وه‌ به‌رهه‌مهاوردن كردگه‌ له‌ 2013ه‌وه‌ تا ئاب 2019 وه‌ هه‌ڵكه‌فت 200 مليۆن به‌رميل له‌وه‌ختيك ك وه‌رده‌وام به‌رهه‌م سه‌رچه‌وه‌گه‌ 100 هه‌زار به‌رميل رووژانه‌ بوێ.

له‌و باوه‌ته‌و، سحێمى عه‌بدوڵڵا وه‌ڕيه‌وبه‌ر جيوه‌جيكار كاره‌يل سه‌رچه‌وه‌ى ئه‌لعه‌ڕاف له‌ به‌ياننامه‌يگ وت: ئى ده‌سكه‌فت گرنگه‌ گام گه‌ورايگه‌ وه‌ره‌و زيايكردن ئاست به‌رهه‌مهاوردن ك پيشبينى ئه‌كريه‌ێده‌ بڕه‌سيده‌ 230 هه‌زار به‌رميل رووژانه‌ له‌ نزيكه‌ چاره‌ك دوياى ساڵ 2020.

جى باسه‌، عه‌بدوڵڵا هه‌ميش و: رێ وه‌ره‌و جيوه‌جيكردن به‌رهه‌مهاوردن زياتر سه‌خته‌، وه‌لێ وه‌ل ئه‌وه‌يشا ئيمه‌ باوه‌ڕ وه‌گشت كارمه‌نده‌يل سه‌رچه‌وه‌گه‌ ديريم ك تواناى ئه‌و وه‌ده‌سهاوردن ئه‌و ئاسته‌ له‌ به‌رهه‌م ديرن و گشت گرفتيگ ئه‌خنه‌ كنار ئه‌را جيوه‌جيكردن ئامانجه‌يل پرووژه‌گه‌.