كەفتن فڕۆکەیگ بیفڕۆکەوان وەبان کۆمەڵگەیگ نیشتەجیبوین لە کەرکوک.. وینە

شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە کەفتن فڕۆکەیگ بیفڕۆکەوان وەبان کۆمەڵگەیگ نیشتەجیبوین لە کەرکوک.

سەرچەوەگە ئەرا ئاژانس شەفەق نیوز وت: فڕۆکەیگ بیفڕۆکەوان مارکەی Fix wing خاوەنی نادیارە، کەفتە بان خانی یەکیگ لە ماڵەیل لە کۆمەڵگەی نیشتەجیبوین (رەوان) لە پارێزگای کەرکوک، وەبی زەرەد گیانی.

سەرچەوەگە دیاری کرد ک زانیاری سەرەتایی باس کەن ک فڕۆکەگە هن هیزەیل فەرەنسا بویە.