شەفەق نیوز/ سەرچەوەیگ ئەمنی وەرپرس، ئمڕوو چوارشەممە، خەوەردا ک لەلای کەمەو یەک ئەندام لە هیزەیل سوپای عراق بویە قوربانی لە پەلاماریگ لەلایەن چەکدارەیل داعش لە باشوور پارێزگای کەرکوک.
سەرچەوەگە ئەرا ئاژانس شەفەق نیوز وت: هیزیەیل فەوج کۆماندۆ لە فیرقەی هەشتەم سوپای عراق لە کەرت داقوق، کەفتە وەر پەلاماریگ لەلایەن ئەندامەیل داعش.
وەگورەی سەرچەوەگە، یەک سەرباز بویە قوربانی و یەکیگیش زەخدار بوی، لە ئاماریگ سەرەتایی لەو پەلامارە.