شەفەق نیوز/ فرووشتنەیل بانک ناوەندی عراقی لە پارەی گران، ئمڕوو چوارشەممە، وەڕێژەی ٢،٤ لەسەد بەرزەو بوی تا بڕەسێدە ٢٠٨ ملیۆن دۆلار.

پەیامنێر ئاژانس شەفەق نیوز وت: بانک ناوەندی عراقی لە بانگەشەی فرووشتن پارە بیگانەکان ئمڕوو، بەرزەوبوینیگ لە فرووشتنەکانی وەڕێژەی ٢،٤٪ وەخوەی دی، تا بڕەسێدە ٢٠٧ مەلیۆن و ٢٤٤ هەزار دۆلار، بانکەگە وە نرخ ١٤٦٠ دینار ئەرا هەر یەک دۆلار پووشادەی، وە بەراوردی وەگەرد دوێەکە سێشەممە ک فرووشتنەکانی رەسیە ٢٠٣ مەلیۆن و ٦٥٤ هەزارەو ١٢٤ دۆلار.

وتیش؛ گشت فرووشتنەیل ئەرا پاڵپشتی بنمایەکان لە دەیشت وەشیوەی هەواڵە و چەک چگن، وبانکەکان بایی ١٥ مەلیۆن و ٧٨٠ هەزار دۆلار وە شیوەی کاش سەنن.

پەیامنێرەگەمان ئاماژە کرد ک ٣١ بانک داواکاریەیل پاڵپشتی بنمایەگان لە دەیشت جیوەجی کردن، و ١٩ بانک داواکاریەیل کاش جیوەجی کردن.