شەفەق نیوز/ سەرۆک ئەنجومەن وەزیرەیل محەمەد شیاع سودانی، ئمڕوو چوارشەممە، ماتەمین سەرانسەری راگەیان لە عراق ئەرا ماوەی سێ رووژ،ئەراپرسەی قوربانیەیل رویداو ئاگرەگەی حەمدانیە لە نەینەوا.
دەسڵاتدارەیل ئەمنی عراق، ئمڕوو مردن و زەخمداریبوین زیارتر لە 200 کەس راگەیاندوین لەوەر رویداو هیزگردن ئاگر لەناو هۆڵ ئاهەنگەیل لە قەزای حەمدانیە لە خوەرهەڵات شار مووسڵ، دیاریکرد دەیان کەس ئەرا خەسخانەیل هەرێم کوردستان بریانە.