شەفەق نیوز/ دادوەری عراق، ئمڕوو پەنجشەممە، فەرمان زیندانی هەمیشەیی لەبان ئەندامیگ لە ریخریاگ داعش دەرکرد، ک وەرجەیە لەلایەن حەشد شەعبی دەسگیر کریایە.

ئەو تاوانکارە کار لە سەبازی و پاڵپشتیکردن لۆجستی لە "ویلایەت کەرکوک" کردیە و خوەراک و گولە و چەک ئەرا رێخریایەگە ئامادە کردیە، هەمیش بومبریژی و قەڵغانکردن زیاتر لە ٢٠ ماشین کردیە.

جی باسە ک ئەو تیرۆریستە وەرجەیە لەلایەن وەڕێەوبەرایەتی ئاسایش و دیسپلین لە حەشد شەعبی دەسگیر کریایە، دویای وەرگردن مووڵەت دادوەری، و دویای تەواوکردن لێکۆڵینەوە هەواڵەی دادوەری عراق کریا، و سزای زیندانیکردن هەمیشەیی لەبانی دەرچگ.