سەرچەوەگە وە ئاژانس شەفەق نیوز خەوەردا، " هاوڵاتیگ تویش زەخمداری بویە لە کەپووڵی، هەمیش زەرەد رەسیە وە ماشینیگ لە جویر (پیک ئاب) لەئەنجام مەرافیگ لەناوەین دوو کەس لەناوچەی شوفەت لە باکوور شار ناسڕیە"، وتیش " کەسەیل نەناسریایگ پەلامار ماڵ هاوڵاتیگ دانە لەناوچەی مهێدیە، لەری بۆمبیگ دروسکریاگ ناوخوەیی، پەلامارەگە زەرەد مادی فریگ وە ماڵەگە رەسانیە".

سەرچەوەگە وتیش، " خوەنەواریگ بیس ساڵان خوەیکوشتیە وە فئەداین خوەی ئەرا ناو چەم فورات لەناوڕاس پارێزگاگە، تەرمەگەی وەلایەن مەفرەزەیل پۆلیس دەریاوانی دراوریاگە" وتیش " لێکۆلینەوەیل وەگەر خیزانەگەی ئەوە چەسپانیە تویش حالەت دەروینی هاتیە لەوەر دەرنەچگنی لە زانکۆ".

لە قەزای شەترە، " مەرافەیگ لەناوەین دوو مامووسا توومارکریا، کە چەک چەرمگ وەکارهاوردن، یەکیگ لە مامووسایەیل تویش زەخمداری سەختیگ بویە، ئەراچارەسەر بریاسە خەسخانە".