شەفەق نیوز/ سەرچەوەیگ ئەمنی لە نەجەف، ئمڕوو دووشەممە، خەوەردا لە دراوردن تەرم ژنیگ لە ئاو چەم فورات، لە وەختیگ ئاژەڵیگ لە زیقار پەلامار کوورپە وداڵگیگ دا.

سەرچەوەگە ئەرا ئاژانس شەفەق نیوز وت: پۆلیس ئاوی تەرم ژنیگ لەناو تەمەن سی ساڵە لەناو چەم فورات نزیک وەڕیەوبەرایەتی وەرگری شارستانی ناوڕاس پارێزگای نەجەف پەیا کرد، و ئەرا فەرمانگەی پزیشک دادوەری کلی کرد.

لەلاییگتر، سەرچەوەیگ ئەمنی لە زیقار، ئەرا ئاژانس شەفەق نیوز وت: رویێگ پەلامار ۆاوای عەبدولجەلیل خەیروڵا لە قەزای رفاعی باکوور پارێزگای زیقار دا، و کوورپەیگ ٤٠ رووژە و داڵگی زەخمدار کرد هەنای داڵگەگە تەقەلای قورتارکردن مناڵەگەی دایە.

جی باسە ک پارێزگای زیقار لە مانگ ئەیلوول گوزەشتە، پەلامار بیوەرینیگ لەلایەن گورگەیل لەبان ئاواییگ لە باکوور ناسریە وەخوەی دی، ک دە کەس لەلای کەمەو لەو ئاوایە زەخمدار کردن ک مناڵیش لەناویان بوی.