شەفەق نیوز/ غەنزەنفەر بەتیخ سەرکردە لە هاوپەیمان فەتح، ئمڕوو دووشەممە، ئاشکرا کرد ک هەر یەک نوێنەر لە پەرلەمان عراق، مانگانە خەرج ٤٠ مەلیۆن  خەێدە بان دەوڵەتەگە.

بەتیخ ئەرا ئاژانس شەفەق نیوز وت: ئەیە خەرج یەک پەرلەمانتارە لە پەرلەمان عراق، و تیم پاسەوانیەگەی گرێدەو، هەرچەن بەشیگ لە پەرلەمانتارەگان ئامادەی دانیشتنەگان نێەوون، بەڵکم پەرلەمانتارەیلیگ هەس لەهیچ دانیشتنیگ ئامادە نەوینە، تەنانەت گەلەگەیش نێناسێدەیان، ک تەنانەت لە مەیدان راگەیاننیش دیاریان نییە.

و دیاری کرد ک ژمارەی پەرلەمانتارەگان رەسێدە ٣٢٩، و گەل عراق تەنیا ٣٠ پەرلەمانتار لەلیان ناسێد، گیچەڵەگە لەوە هالای سەرۆکایەتی پەرلەمان، ک هیچ ریکارەیل جەختییگ وەگورەی سیستەم ناوخۆیی ئەنجومەن نۆێنەران نێەوەێد.