وەزارەت گواستنەوە لە بەیاننامەیگ رەسیە ئاژانس شەفەق نیوز وت: دەسەی گشتی کەشناسی و رەوانگەی زەویلەرزە لە وەزارەتەگە، ئمڕوو راپۆرت مانگانەی عراق و ناوچەیل هاوسا ئەرا مانگ شوبات ٢٠٢٣ دەرکرد.

بەیاننامەگە لە زوان سەمیرە رزا خەلەف خانمە وەڕیەوبەر بەش رەوانگەی زەویلەرزە وت: شمارەی گشتی زەویلەرزەیل لە تووڕ چەودیاریکردن زەویلەرزەی عراق لەی مانگە رەسیە ١٨ زەویلەرزە، ١١ لەلیان لەناو عراق بوینە، و ٥ زەویلەرزە لەناو ئیران، و دوو زەویلەرزە لە تورکیا، دیاری کرد ک هاز ئەو زەویلەرزەیلە لەناو (1،7-4،8) پلە بوین، و قویلیبان لەناو (5 -23) كم بوی.

 لەی مانگە زەویلەرزە لەناو عراق گورج بوی، و شمارەیان رەسیە ١١ زەویلەرزە، ک ٦ زەویلەرزە لە پارێزگای نەینەوا، و دوو زەویلەرزە لە پارێزگای میسان، و یەک لەرزە لە هەر لە پارێزگایل کەرکوک ئەنبار، و پەنج زەویلەرزە لە پارێزگایل کرماشان و ئیلام لە ئیران،  و دوو زەویلەرزە لەناو تورکیا نزیک سنوور.