شەفەق نیوز/ وەڕێەوبەرایەتی ئاو پارێزگای کەرکوک، ئمڕوو شەممە، راگەیان داوەزین ئاست ئاوەگە ئەرا ئاست "دەسپاچەیی"، و داوا لە خەڵکەگە کرد ئاوەگە وەشیوەیگ گونجیاگ وەکار بارن، تا بڕەسێدە گشت ناوچەیل پارێزگاگە.
وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: ئاست ئاوەگە لە جوو ئاویاری 9D لە سۊکەو داودزیا، و ئی جووە سەرچەوەی سەرەکیە ئەرا پڕۆژەی ئاوپاڵی کەرکوک، و دووپات کرد ک لەوەر داوەزین ئاست ئاوەگە ئەرا ئاست دەسپاچەیی، نیم وزەی ئاو پاڵاوگە لەکار وسیان.
وەڕێەوبەرایەتیەگە هان خەڵک پارێزگاگە دا وەکارهاوردن ئاو کەمەو بکەن، تا ئاو رووشن بڕەسێە گشت ناوچەیل شار کەرکوک تا ئەوەنە چارەی گرفتەگە لەلایەن وەڕێەوبەرایەتی سامانە ئاویەیلە کریەێد.