شەفەق نيوز/ سەرچەوەیگ ئەمنی و وەرپرسیگ خوەیجیی، ئمڕوو شەممە، خەوەردان لە دوو رویداو هاتوچو، یەکیگیان لە پارێزگای سەڵاحەدین و ئەوەکە لە باشوور عراق، بوینە هووکار کوشیان چوار کەس ژن وکوڕ ئەفسەریگ پۆلیس هاناویان، وئەفسەرەگەیش زەخمداری سەختیگ بوی.
سەرچەوەیگ پزشکی ئەرا ئاژانس شەفەق نیوز وت: ماشین ئەفسەریگ وەپلەی عەمید، ئمڕوو لەبان ری ناوبەین پارێزگایل میسان و بەسرە پلیا، و بویە هووکار مردن ژن وکوڕ ئەفسەرەگە وەکوتپڕ، و ئەفسەرەگە زەخمداری سەختیگ بوی، ودیاری کرد ک تەرم دوو قوربانیەگە ئەرا پزیشک دادوەری کلکریایە، و ئەفسەرەگە بریا خەسخانە.
لە سەڵاحەدین، سێ کەس لە دەورگرد ناحیەی زاویە گیانیان لەدەسدان.
محمد زەیدان وەڕیەوبەر ناحیەی زاویە ئەرا ئاژانس شەفەق نیوز وت: ٣ کدس وە رویداویگ هاتوچو ناوبەین ماشینیگ مارکەی جیمسی و ماشینیگ بارهەڵگر لەبان ری بێجی-شەرقات لەناوچەی عێن بێزە گیانیان لەدەسدان.
وتیش: تەرم قوربانیەیل ئەرا پزشک دادوەری کلکریا تا بیریەنە دەس خاوەنیان، و لێکۆڵینەوە لە رویداوەگە واز کریا.