شەفەق نیوز/ بەغدای پایتەخت و پارێزگای زیقار، ئمڕوو چوارشەممە، خوەنیشاندانیگ وەخوەیان دین وە بەشداریکردن خاوەن بڕوانامەیل باڵاو دەرچگە یەکەمەیل.
سەرچەوەگەوە ئاژانس شەفەق نیوز وت، لە بەغداد خوەنیشاندەرەیل لەنوای ئەنجومەن خزمەتگوزاری لەناوڕاس پایتەخت گردەوبین داوای "کۆد" کردن کە لە ریەو دامەزریەن لە بان حکومەت.
لە زیقار، پەیامنێر ئاژانس شەفەق نیوز وت، خوەنیشاندەرەیل ری جادەی ئیمام علی (ر.خ) و دەرەیل ئەنجومەن پارێزگاگە بەسان لە ناسڕیە، وە وەکارهاوردن چەرخ ئاگردریاگ، ناڕەزایی نیشاندان لەبان دابین نەکردن 5 هەزار پلەی دامەزران کە پەیمان وەپیان دریاوێد.
خوەنیشاندەرەیل ناڕەزایی خوەیان نیشاندان ئەرا جیوەجینەکردن بەڵینەیل حکومەت لە دابینکردن دەرفەت کار ئەرا دەرچگەیل.