شەفەق نیوز/ دەسەی دارایی لە پەرلەمان عراق، ئمڕوو چوارشەممە، کۆتایی مانگ کانون دوویەم کردە مەوقەی خەرجکردن مووچەی فەرمانبەرەیل، وەگورەی دووپاتکردن وەزارت دارایی.

جەمال کۆچەر ئەندام دەسەگە ئەرا ئاژانس شەفەق نیوز وت: وەرپرسەیل لە وەزارت دارایی لە مەوقەی میوانیکردن دەسەی دارایی دووپات کردن  ک پویل خەرجکردن مووچەی فەرمانبەرەیل ئەرا مانگ کانون دوویەم هالە وەردەس.

وتیش؛ هیچ دیرکەفتنیگ لە خەرج مووچەگان نییە، و ئەوەسا لەلایەن وەزارەت دارایی لە مەوقەی دیاریکریاگ خوەی لە کۆتایی ئی مانگە دابەش کریەێد.

کۆچەر دیاری کرد ک خەرجکردن مووچەی فەرمانبەرەیل و خانەنشینەگان هیچ پەیوەندییگ وە بڕیاردان یاسای بوودجەی گشتی نەیرێد.