شەفەق نیوز/ سەرچەوەیگ ئەمنی وەرپرس لە پارێزگای بەسرە، ئمڕوو یەکشەممە، خەوەردا ک نویسینگەی موستەفا سەنەد ئەندام ئەنجومەن نوینەرەیل، کەفتە وەر پەلامارەیگ چەکدار.  

سەرچەوەگە ئەرا ئاژانس شەفەق نیوز وت: چەکدارەیلیگ نەناسریاگ وەناو دوو ماشین، یەکیگیان (پیک ئاب) ڕەنگ چەرمگ، و ئەوەکە (تاهو) تەقەی خەسیگ لە نویسینگەی پەرلەمانتار موستەفا سەنەد لەناوڕاس شار بەسرە کردن.  

سەرچەوەگە دیاری کرد ک ئەو پەلامارە ک شەفەق ئمڕوو کریا، بویە هووکار زەرەدەیلیگ لە روی نویسینگەگە.  

سەنەد دویای ئەوە لەبان فەیسبووک نویسان ک هەڕەشەیگ لەبان واتسئاپ ئەرای هاتیە ئویشێد: حەجی، سوو کوڕەیلە لەلای تو ناشتا کەن.